منتديات الأسره المسلمة

**آندى آلعآلمين** · السبت 10 مارس 2012, 8:27 pm

غسيل السجاااد ع الناااشف

بالنسبة لغسيل السجاااد ع الناااشف

النهاردة هاتكلم عنه

اذا كان غسيله في الحمام

او غسيله في مكانه ع الناشف

اول سؤال :

انا اغسل سجادي كل اد ايه؟
وكل اد ايه احكه ع الناشف؟.
والسؤال دا بصراحة اتكرر كتيييييييير اوووي اووووووووي

صلوا على حبيبنا سيدنا محمد رسول الله

ماينفعش نحط قاعدة عامة للكل اننا لاااااااازم نغسل سجادنا كل اد كده
ماينفعش ابدا
لا انا مش زي ماما مش زي خالتو مش زي جدتي
مش زي عروسة
كل واحدة تختلف عن التانية من حيث مساحة بيتها وانتشارها في البيت وعدد الافراد و............و.............و.............
يعني في فروق بين البيوت وبعضها
بس في اسس لازم نحطها

هاتكلم عن اللي لسه عروسة ومافيش اطفال ___رزقكم الله بالذرية الصالحة يااااااااارب امييييييين ______
طبعا دي ماشاء الله تقريبا سجادها طول السنة نضيف يعني مش هيحتاج انه يتغسل في مغسلة ولا غيره
يعني لو كل شهر حكته ع الناشف هيكون زي الفل ومية مية او حتى لمعته وهاقول تلمع السجاد ازاي
وهتلاقي سجاد معين في مكان معين يتنضف يعني كل فترة بسيطة
زي سجادة المطبخ دي لازم تتغسل وتتحك ع الناشف كل اسبوع او اقل
وسجادة اوضة المعيشة

نيجي للي عندها اطفال ورجلين رايحة ورجلين جاية
واطفال بتحبي واطفال بتاكل وتفرفت ع الارض وتكب الاكل ع الارض ويجيبوا هنا ويحطوا هنا
وطبعا لو طفل واحد تقدري تسيطري عليه
وهاتعرفي تقعديه جنبك وتأكليه في حتة واحدة

طبعا لو قولتيلي : يقعد!
يقعد مين يا اما دا انا بالعب معاه دوخيني يا لمونة عشان ياكل معلقة بس
طبعا دي غلطتك انتي مش هو لان اي طفل حسب تعودك

اما بقى اللي عندها طفلين و3 وسنهم قريب من بعض

اللي عندها طفلين واكتر كان الله في عونها تفضل تشد في دا وتقعد في دا ساعة الاكل
ولا ساعة لما يجوا ياكلوا حاجة حلوة
وساعات يسهوكي ويقوموا عارفة انا دي
وبالتالي السجادة هنا تتبقع وهنا تتهرهد وحاجاة مايعلم بيها الا ربنا
الفئة دي بقى تغسل سجادها مرتين في السنة
وبقيت الايام لازم تحااااافظ على نضافة سجادها
يعني كل اسبوع تنضف سجادها ع الناشف
ولازم تفرش حاجة تغطي بيها السجادة حفاظا عليها اثناء الاكل حتى ولو هيكلوا بسكوتة او كيكة لازم ملاية
ولو تعرفي تشتري كليم او كافر للسجادة تغطي بيها سجادة اوضتهم او سجادة المطبخ حفاظا عليها هاتي ماينفعش عليكي وعلى ملاية قديمة للاكل

انا مش هافرح بالبنات اللي بتغسل سجادها اكتر يعني 10 مرات في السنة وناس تغسله كل شهر
اكنها مسابقة البون الشمعدان
كل ما تغسلي اكتر فرصتك في النضافة تكتر
لا احنا عاوزين نحاااافظ على السجادة نضيفة وجديدة
مش نضيفة ودايبة ومتهربدة وتفرشيها اكنك فارشة ملاية بسبب تنضيفك المستمر فيها حتى استغاااااثت

ازاي نحافظ على نضافة سجادتنا النضيفة

لازم يكون عندك بخاخة فيها شوية ماية بكلور بفيري بمنظف سجاد (اي حاجة تنضف تعددت المنظفات والتنضيف واحد مش هاثقل عليكي )
واول ما تشوفي حاجة ع السجادة بقعة كده ولا كده جري ترشي وتمسحي مرة واتنين لحد ما تنضيف اياكي تسيبي البقعة اكتر من ساعة او تهمليها بيكون صعب تنضيفها بعد كده

لو البقعة شديد اوي وهتحتاجي ترشي عليها منظف كتير
بتسيبيها شوية على ما المنظف يدوبها وترجعي ترشي تاني وتحكيها بالفرشاه وبعدها ببخاخة ماية وعليه حبة معطر وترشي وتنشفي بحتة قماشة ناشفة عشان تشرب الماية اللي شربتها السجادة

بالنسبة لتلميع السجادة

يعني سجادتي مش مبقعة بس عاوزاها مزهزه
ودي مثلا لسجادة الصالون او سجادة اوضة من الاوض اللي الرجلين فيها قليلة وبعيدة عن الاطفال
بتكنسيها كووووووووووويس اوي اوي بالمكنسة

بتجيبي المقشة الخشنة او فرشاة طويلة بايدين

وتغمسيها في جردل ماية بمعطر وتطلعيها وتنطري منها الماية بس مش اوي عشان ماتغرقيش الدنيا لا بالراحة جوا الجردل وتبتدي تحكيها هتلاقيها لمعت وبقت زي الفل

ونفس الحكاية برضو مع الكنب اول ما تيجي على الكنبة بقعة ماطرح ضيوف عيالك غيره في ثواني بالبخاخة وتنضفي

نيجي بقى لدعك السجاد كله بشكل عاااام ع الناااااااااشف

اكنسي السجاد كوووووويس اوي بالمكنسة

هاتى فرشاة البلاط وطبق فيه كلوركس اللوان واى منظف سجاد

امسكى السجاده حته حته وهاتك يا دعك وطبعا لو فيه مكان به بقع ابتدى بيه الاول

نيجى لمرحلة الشطف ما السجاده كده كانك غسلتيها فا لازم تتشطف

هاتى جردل ميه وحطى فيه داونى او اى معطر

ومقشه خشنه واغمسيها فى الجردل

واكنسيها واستمرى فى الكنس بنفس الطريقه

وبعدين بقماشه ناشفه وطبطبى عليها كانها بيبى ابتسامه عريضه

علشان تشرب الميه اللى نضفنا بيها

وبعدين جرى على بلكونتك وهويها ربع ساعه بس

واتفرجى على النضافه والريحه الروووعه

بترجع جديده بدون مبالغه

التعليق على الموضوع بواسطة الفيس بوك

**raylan** · الإثنين 12 مارس 2012, 12:34 am

غسيل السجاااد ع الناااشف

و الله هذه طريقتيتنا بتنظيف السجاد يعني شيفه النتيجة كيف بتكون

تسلم ايدك و يعطيك القوة و النشاط على الشرح الطويل نتمنى من كل البنات و السيدات ان يستفيدن من الموضوع

غسيل السجاااد ع الناااشف 1331503885922

التعليق على الموضوع بواسطة الفيس بوك

**آندى آلعآلمين** · الإثنين 12 مارس 2012, 11:37 pm

غسيل السجاااد ع الناااشف

نورتى موضوعى حببتى

وياريت تشاركينا على قسم ست الستات

عايزين نتعلم بعض الاكلات الجزائريه الجميله

ولكى الاجر يارب

جوزيتى اعالى الجنان يا غاليه

التعليق على الموضوع بواسطة الفيس بوك

**raylan** · الثلاثاء 13 مارس 2012, 3:20 pm

غسيل السجاااد ع الناااشف

ان شاء الله

بارك الله فيك

التعليق على الموضوع بواسطة الفيس بوك

**آندى آلعآلمين** · الثلاثاء 13 مارس 2012, 4:30 pm

غسيل السجاااد ع الناااشف

raylan كتب:: ان شاء الله

بارك الله فيك

وفيكى اختى بارك الرحمن

التعليق على الموضوع بواسطة الفيس بوك

**ابو ابراهيم الغرباوى** · الأربعاء 14 مارس 2012, 12:05 am

غسيل السجاااد ع الناااشف

raylan كتب:: و الله هذه طريقتيتنا بتنظيف السجاد يعني شيفه النتيجة كيف بتكون

تسلم ايدك و يعطيك القوة و النشاط على الشرح الطويل نتمنى من كل البنات و السيدات ان يستفيدن من الموضوع