السلام عليكم ورحمة الله وبركاته
ازيكم يا بنات؟
عاملين ايه؟
يارب تكونوا بخير دايما
هاعرفكم بنفسى
انا طباخة ماااااااااااااااااااهرة
وطبعا مش هاقولكم انا ببقى عاملة ازاى فى المطبخ
بسم الله ما شاء الله عليا
بلا فخر
معظم اكلاتى لازم افشل فيها
دا العادى بتاعى
اصلى بتعلم وبجرب فى امى وابويا واخواتى وخاطيبى كمان
وربنا يستر
يوم مادخل المطبخ لازم البيت يتملى دخان
وامى طبعا
عايزة تعملنى كرة وتلعب بيا
المهم
طالما لسه بتعلم فا خبرتى فى الطبيخ قليل
وادينا مع بعض نتعلم
هيا بنا نبدأ


مكرونة بالصلصة

المقادير:

كيس مكرونة -2 لتر ماء (8 كوب) -6 حبات طماطم -3 ملاعق زيت -ملعقة ملح كبيرة -ملعقة فلفل اسود صغيرة.

الطريقة:

1- تعملى عصير الطماطم (تقطعى الطماطم وتحطيها فى الخلاط وتحطى شوية ماء).
2- تضعى الزيت فى الطاسه ثم تضاف لها عصير الطماطم وتضيفى ملح وفلفل اسود وتترك على نار هادئة حتى تتسبك.
3- يغلى الماء جيدا فى الحلة وتضع المكرونة حتى تنضج وتصفى المكرونة من الماء.
4- تقدم الصلصة مع المكرونة.



مكرونة باللحم المفروم

المقادير:

مكرونة -بصل -زيت -لحم مفروم -ملح وفلفل اسود

الطريقة:

1- سلق المكرونة وتصفيته.
2- تسبيك الطماطم مع وضع قليل من الملح.
3- وتعصج اللحم المفروم (تضعى زيت فى طاسه ثم تضيفى بصل مقطع قطع صغيرة حتى يصبح لونة احمر قليلا ثم نضيف اللحم المفروم والملح ونطفى عليه عند نضجه).
4- بعد 5 دقائق نضعهم مع بعض لمدة 10 دقائق فى الطماطم المسبكة.


والحمد لله انتهينا
لو فيه غلط فى الطريقتين
يبقى الغلط مش منى
الغلط يبقى منكم انتم

فى حفظ الله